Dyma lyfr hynod ddiddorol am hanes sefydlu a datblygiad pentref Llanberis hyd 1900. Cawn hanes sefydlu isadeiledd i raddol gysylltu'r clystyrau o gymunedau ar wasgar a ffurfiai'r fro, i geisio hwyluso cludiant llechi i geiau Caernarfon. Ond, ar yr un gwynt, cawn ddeall sut y manteisiwyd ar y datblygiad hwn gan dirfeddianwyr cefnog yr ardal i hybu twristiaeth ac i ffurfio cyrchfan wyliau foethus.
